Коммуникация башкармалыгынын башчысы : "Түркия ар дайым тынчтыкты жана туруктуулукту жактап келген"
Дуран Түркиянын диалогго багытталган ортомчулугу дүйнөлүк туруктуулук үчүн абдан маанилүү экенин белгилеп, Анкара чачыранды эл аралык тартипте туруктуулукту орнотуучу күч катары өзүнүн ролун күчөтүп жатканын айтты.
Президенттиктин коммуникация башкармалыгынын башчысы Бурханеттин Дуран Түркиянын президенти Режеп Таййип Эрдогандын жетекчилиги астында кризистерди чечүүгө багытталган аракеттеринин чордонунда болууну улантып жатканын белгилеп, өлкөнүн тынчтыкка жана туруктуулукка болгон берилгендигин баса белгиледи.
Дуран: «Президентибиз Режеп Таййип Эрдогандын жетекчилиги астында Түркия бул оор мезгилде аймактык туруктуулукту орнотуу жана улутубуздун тынчтыгын, коопсуздугун камсыз кылуу үчүн чечкиндүү кадамдарды жасоону улантууда», - деди.
“Улуттук гимнибиз "Коркпо" деген сөз менен башталат; ошондуктан тарыхыбыздан алган шыктандыруу жана күч менен өлкөбүзгө карата коркунучтарга каршы тик турууну улантабыз", - деди.
Дуран социалдык платформадагы баракчасына президент Эрдогандын дүйнө лидерлери менен жүргүзгөн дипломатиялык байланыштарына тиешелүү кадрларды жана АК Партиянын Түркия Улуу Улуттук Парламентиндеги фракциясынын жыйынындагы сөзүнөн үзүндүлөрдү бөлүштү.
«Өлкөбүздө, дүйнөдө ар дайым тынчтык жана ырааттуулук тарабындабыз”,- деди.
Түркиянын коркунучтарга каршы турууну улантарын да кайталады.