БУУнун басма сөз катчысы Стефан Дюжаррик дүйшөмбү күнкү билдирүүсүндө, Израиль Газа менен чек арасын жапкандан бери ун жана жашылчанын баасы 100 эсеге жогорулаганын кабарлады. "Биздин гуманитардык өнөктөштөр Газага өтүүчү жол жабылгандан кийин ун менен жашылчалардын баасы 100 эсеге жогорулаганын билдиришти", - деди.

Дюжаррик, Нетаньяхунун билдирүүлөрүнүн чындыкты чагылдырбаганын белгилеп, «Ок атышпоодон кийин жардамдын дагы эркин агымын байкадык жана мурунку мезгилдердегидей эч кандай талап-тоноочулук жок»,- деди.

Израилдин кыргыны

Израиль Газага жасаган кол салууларында көпчүлүгү аялдар жана балдар болгон 48 миң 400 палестиналыкты өлтүрдү.

Израилдин Газага кол салуулары 19-январда башталган ок атышпоо жана туткундарды алмаштыруу келишими менен токтотулган. Бирок ок атышпоонун биринчи этабы аяктагандан кийин Израиль Газага гуманитардык жардамдын кирүүсүн жекшемби күнү токтотту.

Эл аралык кылмыш соту Нетаньяху менен Галлантты камакка алууга ордер чыгарган

Өткөн жылдын ноябрында Эл аралык кылмыш соту Израилдин премьер-министри Биньямин Нетаньяху менен мурдагы коргоо министри Йоав Галлантты Газадагы согуш кылмыштары жана адамзатка каршы кылмыштары үчүн камакка алууга ордер берген.

Израиль Газадагы согушу үчүн Эл аралык адилет сотунунда да геноцид боюнча айыпталууда.