Түркиянын президенти Режеп Тайып Эрдоган Венгриянын премьер-министри Виктор Орбан менен телефон аркылуу сүйлөшүп, эки тараптуу карым-катнаштарды, аймактык жана глобалдык окуяларды талкуулады.
Ишемби күнү болгон сүйлөшүүдө Эрдоган Түркиянын Венгрия менен бардык тармактар боюнча мамилелерди чыңдоого умтуларын билдирди.
Ал ошондой эле Жогорку деңгээлдеги стратегиялык кызматташтык кеңешинин жана биргелешкен консультациялык механизмдин алдыдагы жыйындары эки өлкөнүн ортосундагы кызматташтыкты дагы да тереңдете турганын белгиледи.
Түрк лидери сүйлөшүү учурунда премьер-министр Орбанды туулган күнү менен куттуктады.
Түркия менен Венгрия 2013-жылы Жогорку деңгээлдеги стратегиялык кызматташтык кеңешинин түзүлүшү менен карым - катнашын стратегиялык өнөктөштүккө чейин көтөрүшкөн.
Акыркы жылдары карым - катнаштар саясий, экономикалык жана маданий тармактарда кызматташтыктын өсүшү менен кеңейди.
