Дүйшөмбү күнү Түндүк Кореянын мамлекеттик маалымат каражаттары кабарлагандай, жекшемби күнү өткөн Жогорку Элдик Парламентинин отурумунда Ким Чен Ын кайрадан Мамлекеттик иштер комиссиясынын төрагасы болуп шайланды. Бул чечим менен лидердин аталган кызматтагы үчүнчү мөөнөтү расмий түрдө катталды.

2016-жылы түзүлгөн бул комиссия Пхеньяндын саясатты аныктоочу эң жогорку мамлекеттик органы.

Парламент ошондой эле жетекчилик түзүмүн олуттуу түрдө өзгөрттү. Ким Чен Ындын ишенимдүү адамы катары белгилүү болгон Жо Ён Вон Чхве Рён Хэнин ордуна өлкөнүн эң жогорку парламенттик кызматы — Жогорку элдик жыйындын Президиумунун төрагалыгына дайындалды. Жо ошону менен бирге Мамлекеттик иштер комиссиясынын төрагасынын орун басары кызматына да дайындалды.

Премьер-министр Пак Тхэ Сон өз кызматын сактап калды, ал эми мурдагы премьер-министр Ким Ток Хун жаңы түзүлгөн "Биринчи вице-премьер-министр" кызматына дайындалды. Ошол эле учурда Кимдин карындашы Ким Ё Чжон Мамлекеттик иштер боюнча комиссиядагы кызматынан алынды.

Отурумда; конституциялык өзгөртүүлөр, акыркы партиялык курултайда жарыяланган беш жылдык улуттук өнүгүү планынын ишке ашыруу ыкмалары жана 2026-жылдагы мамлекеттик бюджет дагы каралды, бирок кенен түрдө коомчулук менен бөлүшүлгөн жок.

Мындай парламенттик жыйындар адатта партиялык курултайдан кийин өткөрүлүп, курултайда кабыл алынган чечимдерди колдогон мыйзамдарды кабыл алуу максатын көздөйт жана Түндүк Кореянын жетекчилигиндеги туруктуулук менен стратегиялык пландоону көрсөтөт.