Москва менен Киев бири-бирин ок атышпоо макулдашуусун бузду деп айыпташты; ишемби күнү ок атышпоо башталгандан бир нече саат өткөндөн кийин миңден ашык дрон жана артиллериялык чабуулдар болгону тууралуу маалыматтар айтылды.

Орусиянын Коргоо министрлиги жекшемби күнү кечинде Украина тарабынан ок атышпоонун жалпысынан 1971 жолу бузулганын кабарлады.

Министрлик ошондой эле украин аскерлери Днепропетровск, Сумы жана Донецк аймактарындагы орус позицияларына түнкүсүн көптөгөн чабуулдарды жасаганын билдирди.

Бир тараптан Украинанын Башкы штабы ок атышпоо келишими башталгандан жекшемби күнү кечки саат 10го чейин 7696 бузуу катталганын маалымдады.

Бул сандарга 1355 артиллериялык кол салуу, 115 чабуулдук операция жана 6226 жанкечти-дрондордун (камикадзе) чабуулдары кирет.

Февраль айында бешинчи жылына кирген согуш дооматтарды көз карандысыз текшерүүнү кыйындатат.

Орусиянын президенти Владимир Путин бейшемби күнү ок атышууну токтотууну жарыялап, аскердик командачылыкка аны ишке ашырууга даярданууну тапшырып, эгер Украина провакация кылса Москванын жооп кайтарарын айткан.

Ок атышууну токтотуу күчүнө киргенге бир нече саат калганда Украинанын президенти Владимир Зеленский Киев да бул демилгеге кошуларын билдирген.

Бул убадаларга карабастан эки тарап тең ок атышууну токтотуу башталгандан бир нече саат өткөндөн кийин бири-бирин бузуулар боюнча айыпташты.