Тышкы иштер министри Хакан Фидан Болгариянын борбору Софиядагы жолугушууларында кесиптеши Велислава Петрова-Чамова менен өткөргөн басма сөз жыйынында Иран менен АКШнын ортосундагы сүйлөшүүлөргө да токтолду. Министр макулдашууга жетишилет деген кеңири ишеним бар экенин билдирди.

Фидан тараптар менен дайыма байланышта болуп тургандарын, бирок эки күн мурун башталган өз ара чабуулдар эскалация коркунучун жаратаарын айтып, "Бул бизди чындап тынчсыздандырат. Тараптарга өз ара чабуулдарын токтотуп, мүмкүн болушунча тезирээк сүйлөшүү столуна кайтуусун жана бүтүрүүгө жакын турган текстти аягына чыгарууну сунуштайбыз. Биздин ишибиз жана аракеттерибиз ушул багытта", - деди.

Согуштун, чыңалуунун күчөшү жана толук масштабдуу согуш чөйрөсүнө кайтуу эч кимге пайда алып келбесин баса белгилеген Фидан: "Канчалык кыйын болбосун, сүйлөшүүлөрдү акыркы чекитке жеткирүү максат болушу керек; алар муну аягына чыгарышы керек. Биздин унушубуз да ушул", - деп айтты.