Министрликтин жазуу жүзүндөгү билдирүүсүндө, Африка континентиндеги тынчтыктын, эркиндиктин, биримдиктин жана тилектештиктин духун чагылдырган бул өзгөчө күндүн чын жүрөктөн куттукталганы айтылды.
Түркия Африка Биримдигинин стратегиялык өнөктөшү экени эске салынган билдирүүдө, кызматташуунун негизги принциптери баса белгиленип, төмөнкү сөздөр камтылды:
"Африка Биримдигинин стратегиялык өнөктөшү катары Түркия тең укуктуу өнөктөштүк, өз ара ишеним жана урматтоо, ошондой эле эки тарап үчүн тең пайдалуу мамиле принциптерине негизделген өнүгүү, адилеттүүлүк жана тынчтык жолунда африка элине колдоосун уланта берет. Ушул контекстте биз быйыл өткөрүүнү көздөгөн жана кызматташтыгыбыздын андан ары өнүгүшүнө мүмкүндүк бере турган Төртүнчү Түркия-Африка өнөктөштүк саммитине кылдат даярданып жатабыз. Түркия менен Африка аймактык жана эл аралык деңгээлде тынчтыкты, гүлдөп-өнүгүүнү жана туруктуулукту орнотуу үчүн биргелешип иштөөнү уланта беришет".
