Словения Газадагы согуштан улам Израиль менен бардык курал соодасына тыюу саларын билдирди жана мунун Европа Биримдиги өлкөлөрүнүн арасында бир алгачкы болгонун белгиледи.
Израилди көп жолу сынга алган Словения өкмөтү өткөн жылы Газадагы согушту эртерээк токтотуу максатында Палестина мамлекетин таануу тууралуу кадамдарды таштаган.
Бейшемби күнү түнү берилген бир маалыматта : “Словения Израилге карата курал импорттоону, экспорттоону жана транзитке тыюу салган биринчи Европа өлкөсү болду”,- деп айтылды.
Европа Биримдигинин “ички келишпестиктер жана биримдиктин жоктугунан улам так чараларды көрбөгөндүгү” белгиленип Словениянын “көз карандысыз” аракет кылгандыгы айтылды.
Газада “гуманитардык жардамдар адамдарга системалуу түрдө берилбегендиктен каза болгондугу” бул кыйратуучу согуш шартында “ ар бир жоопкерчиликтүү мамлекеттин милдети – башка өлкөлөрдөн мурда кадам таштап аракетке өтүшү керек экендиги” баса белгиленди.
Өкмөттүн кагылышуудан улам 2023 - жылдын октябрь айынан бери Израилге аскердик курал - арак жана каражат экспорту үчүн уруксат бербегендиги да белгиленди.
Июль айынын баштарында эки ашыкча оңчул Израиль министринин өлкөгө киришине тыюу салган Словения израилдик эки жетекчини” кааланбаган киши” деп жарыялап "геноциддик билдирүүлөрү" менен "палестиналыктарга каршы ашкере зомбулукка жана адам укуктарынын одоно бузулушуна үндөгөн" деп айыптады.
2024-жылдын июнь айында Словения парламенти Палестина мамлекетин таануу жөнүндөгү резолюцияны кабыл алды. Бул кадам 2023-жылдын 7-октябрынан кийинки Газаны Израилдин тынымсыз бомбалоосуна жооп катары Ирландия, Норвегия жана Испаниянын ушундай эле кадамдарынан кийин ташталды.
