Президент Дональд Трамп АКШнын Борбордук банкынын төрагасы Жером Пауэллдин “тез арада кызматтан кетиши керектигин” айтты.

Truth Social платформасында билдирүү жасаган Трамп, Федералдык Турак жай каржы агенттигинин директору Уильям Пултенин Конгрессти Пауэлл боюнча иликтөө баштоого чакырган кабар макаласын бөлүштү.

Пултенин чакырыгы камтылган Bloomberg отчетуна шилтеме кылган Трамп Пауэллдин каймана атын да колдонуп “Өтө кеч, дароо кызматтан кетиши керек!!!” деп жазды.

Пулте билдирүүсүндө Конгрессти Пауэллге каршы иликтөө баштоого чакырган. Ал Пауэллди “саясий жаман ойлор” жана “Сенаттагы угуу учурунда жалган маалымат берүү” боюнча айыптаган.

Пулте Пауэллди FED штаб-квартирасынд 2,5 миллиард долларлык реконструкциялоо долбоорунун мүнөзү жана баасы жөнүндө калп айткан деп айыптап, аны туура эмес жүрүм-турумдун ачык мисалы деп атады.

Пауэллди Трамп өзүнүн биринчи администрациясы учурунда Федералдык резервди жетектөөгө дайындаган. Ал эми Трамптан кийин президент болгон Жо Байден аны экинчи мөөнөткө сунуштаган.

Трамп Пауэллди бир нече жолу сынга алып, айрыкча “пайыздык чендерди төмөндөтүүнү кечеңдетти” деп айыптап келген.