Түркиянын биринчи айымы Эмине Эрдоган Газадагы гуманитардык кризисти токтотуу үчүн христиан дүйнөсүнөн бекем позиция карманууну суранды жана Ватикандын Израиль-Палестина жаңжалын эки мамлекеттүү чечүүчү жол боюнча колдоосун ыраазычылык менен кабыл алды.

«Ватиканга болгон сапарымда Ватикан Коомдук илимдер академиясы тарабынан уюштурулган «Бир туугандыкка негизделген экономика: этика жана көп тараптуулук» программасынын алкагында католик дүйнөсүнүн руханий лидери жана Ватикан мамлекетинин башчысы Папа Лео XIV менен жолукканыма кубанычтамын»,-деп билдирди Эмине Эрдоган.

“Жолугушуубуз негизинен Газадагы уланып жаткан гуманитардык трагедияга багытталды. Туруктуу ок атышууну камсыздоо жана гуманитардык жардамды толук жеткирүү үчүн христиан дүйнөсүнүн күчтүү позицияда турушунун мааниси боюнча пикир алмаштык”,- деди.

Түркиянын биринчи айымы: “Мен Ватикандын эки мамлекеттүү чечимди колдогонуна ыраазычылыгымды билдирдим, бул Палестинада адилеттүү жана туруктуу тынчтыктын негизи болуп саналат.”

Биринчи айым: "Ватикандын адилеттүү жана туруктуу тынчтыктын негизи болгон эки мамлекеттүү чечимди колдогонуна ыраазычылыгымды билдирдим", - деп кошумчалады.

Эрдоган менен Папа Лео XIV жолугушуу учурунда экологиялык маселелерди, айрыкча Түркиянын “Нөлдүк калдыктар” демилгесин да талкуулашты.

“Климаттык кризисинин динге же географияга карабастан, бүтүндөй адамзат үчүн жалпы маселе экенинде бирдей пикирдебиз. Ушунун негизинде климаттык өзгөрүүлөргө каршы күрөшүүдө Түркия менен Ватикандын кызматташуу мүмкүнчүлүктөрү күчтүү экенин белгиледим. Орток аракеттердин багыттарын карап чытктык”.

Эрдоган билдирүүсүн Папа Лео XIVке “жылуу кабыл алуусу” үчүн ыраазычылык билдирүү менен жыйынтыктап: “Анын тарыхый жоопкерчилиги католик дүйнөсү жана бүтүндөй адамзат үчүн оң натыйжаларды алып келет деп үмүттөнөм”, – деп кошумчалады.