Ирандын мамлекеттик телеканалы кабарлагандай, дүйшөмбү күнү Ирандын эң ири соода портунда 46 адамдын өмүрүн алган ири жарылуудан кийин өрт өчүрүүчүлөр катуу өрт менен күрөшүп жатышат.
Жардыруу ишемби күнү Ирандын түштүгүндөгү стратегиялык Ормуз кысыгына жакын Шахид Ражай портунда болгон, ал аркылуу дүйнөлүк мунай өндүрүшүнүн бештен бири өтөт.
Ормузган провинциясынын кризистик кырдаалдар боюнча директору Мехрдад Хасанзаденин билдирүүсүнө таянган расмий IRNA маалымат агенттиги: «Шахид Ражай портундагы өрттөн каза болгондордун саны 46га жетти» деп билдирди.
Расмий адамдар 1000ден ашуун киши жарадар болгонун айтышса, Хасанзаде алардын көбү дарылангандан кийин ооруканадан чыгарылганын билдирип, болгону «138 жарадар дагы деле ооруканада»,-деди.
Ирандын Кызыл Жарым Айынын кадрларында өрттүн бир бөлүгүнөн жай жалындын үстүнөн коюу көмүргө окшогон кара түтүн чыгып, өрт өчүрүүчү тик учак аймактын үстүнөн учуп баратканын көрүүгө болот.
Жарылууга эмне себеп болгону азырынча белгисиз, бирок порттун бажы кызматы кооптуу жана химиялык материалдар сакталган аймакта чыккан өрттүн кесепетинен болушу мүмкүн экенин билдирди. Ирандын жогорку лидери Али Хаменеи окуяда «кандайдыр бир шалаакылык же кара ниеттин» бар же жок экенин аныктоо үчүн иликтөө жүргүзүүнү буйруду.
Адамдар өз жанын сакташ үчүн качышкан
Социалдык медиада бөлүшүлгөн коопсуздук камераларынын кадрлары окуянын акырындык менен кичинекей от жана кызгылт-күрөң түтүн менен башталып, от шарына айланып жарылганын көрсөттү. Тасмада кичинекей өрт кампанын маңдайында жайгашкан бир нече контейнердин арасынан чыкканын көрүүгө болот.
Кичинекей жүк ташуучу унаа түтүн каптаган жерден өтүп баратканда, адамдар жакын жерде жүрүщкөн. Чакан өрт жана түтүн пайда болгондон болжол менен бир мүнөт сегиз секунд өткөндөн кийин, жакын жерден унаалар өтүп баратканда жалындуу шар жарылып чыккан.
Президент Масуд Пезешкиан жекшемби күнү жакынкы Бандар Аббас шаарындагы жарадарларды дарылап жаткан ооруканаларга барды. Жардыруу болгондон бери бийликтер аймактагы бардык мектептерди жана кеңселерди жабууну буйруду жана тургундарга «кийинки эскертүүгө чейин» сыртка чыкпоону жана коргоочу беткаптарды кийүүнү сунушташты.
Коргоо министрлигинин басма сөз катчысы Реза Талаеи-Ник мамлекеттик телеканалга: «Аймакта аскердик отун же аскердик колдонуу үчүн импорттолгон же экспорттолгон жүк жок»,-деди. Орусия өрттү өчүрүүгө адистерди жөнөттү.
Бийликтер дүйшөмбүнү улуттук аза күтүү күнү деп жарыяласа, порт жайгашкан Ормузган провинциясында жекшембиде үч күндүк аза күтүү башталды. Жардыруу ирандык жана америкалык делегациялар Оманда Тегерандын өзөктүк программасы боюнча жогорку деңгээлдеги сүйлөшүүлөрдү өткөрүп, эки тарап тең жетишкендиктер тууралуу кабарлап жатканда болду.
