Британиянын Коомдук телерадиоберүү корпорациясы Би-Би- Си 2021-жылдын 6-январында сүйлөгөн сөзүнө жаңылыш монтаж жасалганы үчүн АКШ президенти Дональд Трамптан кечирим сурады, бирок ушуга карабастан жалаа жабуу боюнча доо ачуу үчүн эч кандай негиздин жок экендигин билдирди.
Би-Би - Си бейшемби күнү берген билдирүүсүндө мекеменин төрагасы Самир Шахтын Ак Үйгө жеке кат жөнөтүп, Трамптын сүйлөгөн сөзүндөгү жаңылыш монтаж үчүн өзү жана мекеменин атынан кечирим сураганын белгиледи. Бул монтаж Трамптын колдоочуларынын АКШ Конгресс имаратына басып киргенден мурун сүйлөгөн сөзү тууралуу бир даректүү тасмада орун алган.
Би-Би-Си даректүү тасманы кайра көрсөтүү планы жок экенин билдирди, анда сөздүн бир сааттык аралык менен берилген бөлүктөрү бириктирилген.
"Монтажыбыздын сөздүн ар кайсы учурларынан алынган бөлүктөрдү эмес, сөздүн бир гана, үзгүлтүксүз бөлүгүн көрсөтүп жаткандай таасир калтырганын моюнга алабыз. Бул президент Трамптын түздөн-түз зомбулукка чакырган деген жаңылыш таасир калтырды»,- деи билдирилди жарыяланган текстте.
Трамптын адвокаты Би -БИ - Сиге кечирим суроону талап кылган кат жөнөткөн жана 1 миллиард долларлык доо ачуу менен коркуткан.
Чыр - чатак 2024-жылдагы АКШнын президенттик шайлоосуна бир нече күн калганда BBC телеканалынын флагмандык жаңылыктар программасы "Панораманын" "Трамп: Экинчи мүмкүнчүлүк?" деп аталган эпизоду чыккандан кийин башталган.
Тасманы даярдаган үчүнчү тараптын продюсердик компаниясы Трамптын 2021-жылы сүйлөгөн сөзүнүн эки бөлүгүнөн үч үзүндүнү, болжол менен бир сааттык аралык менен бир үзүндүгө бириктирип, Трамптын тарапташтарына өзү менен бирге басууну жана "жаныңарды аябай күрөшкүлө" дегендей кылып бир цитата катары көрсөткөн.
Кесилген үзүндүлөрдүн арасында Трамптын колдоочуларынан митингди тынчтык менен өткөрүүсүн каалаган бөлүм да болгон.
Башкы директор Тим Дэйви жана жаңылыктар боюнча жетекчи Дебора Тернесс жекшемби күнү кызматтан кетишти. Арыздарында ул чуулгандуу окуянын Би -Би - Сиге зыян келтиргенин жана "BBC News and Current Affairs компаниясынын башкы директору катары жоопкерчиликтин өздөрүнө экенин" айтышкан.
Британиянын премьер-министри Кир Стармер шаршемби күнкү билдирүүсүндө күчтүү жана көз карандысыз Би - Би - Сини колдогонун, бирок коомдук телерадиоберүүнүн «иштерин тартипке келтириши» керектигин билдирген.
