Түркиянын Коргоо министрлиги шейшемби күнү Грузияда түрк аскердик жүк ташуучу учагынын кыйрашынан 20 аскердин шейит болгонун кабарлады.

Шаршемби күнкү билдирүүсүндө министрлик: "Издөө-куткаруу жана кырсыкты иликтөө топтору Азербайжан-Грузия чек арасында кулаган аскердик жүк ташуучу учагыбыздын калдыктарын Грузия бийлиги менен биргеликте саат 06:30да иликтей башташты", - деди.

20 жоокерди ташыган түрк С-130 аскердик жүк ташуучу учагы Азербайжандан Түркияга келе жатып кулап түштү.

Министрлик ошондой эле каза болгон 20 аскердин ысымдарын да жарыялады.

Түркиянын президенти Режеп Таййип Эрдоган шейшемби күнү Азербайжандын президенти Илхам Алиев жана Грузиянын премьер-министри Ираклий Кобахидзе менен өз-өзүнчө телефон аркылуу сүйлөшүү өткөрүп, издөө‑куткаруу иштериндеги акыркы абалды талкуулады.

Анкарадагы иш-чарада Эрдоган шейит болгондордун жакындарына көңүл айтты.

Кырсыктын себеби азырынча белгисиз.

Кырсыктан кийин Түркияга дүйнөнүн ар кайсы өлкөлөрүнөн жана лидерлеринен тилектештик билдирүүлөрү айтылды.