"Yonhap" маалымат агенттиги шаршемби күнү Түштүк Кореянын деңиз күчтөрүнүн башкы командири, контр-адмирал Канг Донг Гил 2024-жылдын аягында мурдагы президент Юн Сок Ёлдун ишке ашпай калган аскердик абал аракетине катышкан деген айып менен бир айга кызматтан четтетилгенин билдирди.

Кабарга караганда чечим Коргоо министрлигинин жума күнү Кангга карата дициплина жазасын белгилөө үчүн комитет жыйыны өткөрүлгөндөн кийин чыгарылды. Бул жыйын 2024 - жыл 3 - декабрь күнү түнү Кангдын аскердик абал боюнча командачылыкты түзүүгө көмөктөшкөнү тууралуу билдирүүлөрдөн кийин өткөрүлгөн.

Канг бул айыптоолордон улам өткөн айда кызматынан алынган.

Аскердик абал жарыяланган учурда Канг Башкы штабдын Бириккен командирлигинде аскердик колдоо дирекциясынын башчысы болуп иштеп жаткан.

Буга чейин расмий органдар алты айга созулган тергөө иштеринин алкагында 24 аскердик бөлүктөн 860ка жакын генерал жана офицердин текшерилгенин билдиришкен. Натыйжада, аскердик абал киргизүү аракетине түз же кыйыр түрдө катышы бар деген шек менен 180ге жакын аскер кызматкери аныкталган.

Министрликтин маалыматы боюнча, кыска мөөнөттүү аскердик абал режими учурунда жалпысынан 1 580 аскер кызматкери мобилизацияланган.