АКШнын президенти Дональд Трамп Анкарада өтүүчү НАТО саммитине президент Режеп Таййип Эрдоганга болгон урмат-сыйынан улам катышарын, саммит башка өлкөдө өткөндө, балким барбай тургандыгын айтты.

Шаршемби күнү Ак үйдө журналисттерге маалымат берген Трамп Түркияны НАТОдогу ири аскердик державалардын бири катары мүнөздөп, өлкөнүн мүмкүнчүлүктөрү көп учурда бааланбай келгенин белгиледи. Трамп Түркиянын кеңири аскердик техникасынын инвентаризациясына жана Вашингтон менен көп жылдык коргонуу мамилелерине токтолду.

"Эгер саммит Түркияда өтпөгөндө катышмак эмесмин деп ойлойм. Президент Эрдоганга болгон урмат - сыйымдан улам баратам", - деди Трамп.

Трамп өзгөчө Анкаранын F-35 согуштук учактары жана учак кыймылдаткычтары тууралуу талап боюнча берилген суроого жооп берип жатып Түркияны “абдан кубанта турган” кадамга барышы мүмкүн экенин айтты.

Түркия 7-8-июлда Анкарада өтүүчү саммитте НАТОнун лидерлерин кабыл алууга даярданып жатат.

Рютте болсо Түркиянын “абдан чоң” коргонуу өнөр жай инфраструктурасына ээ экендигин билдирди.