Бириккен Улуттар Уюмунун Палестиналык качкындарга жардам агнеттиги (UNRWA) өткөн айдан бери Газадагы Израиль кол салууларында 600гө жакын баланын каза болгонун жарыялады.
ЮНИСЕФтин дүйшөмбү күнү жарыялаган маалыматтарына таянуу менен UNRWA Израилдин 18-мартта кол салууларын кйрадан башташынан бери 1600дөн ашуун баланын жаракат алгандыгын маалымдады.
"Газа тилкесиндеги гуманитардык кризис 2023-жылдын октябрынан берки эң жаман чекке жетти", - деп кошумчалады UNWRA.
18-мартта Газага карата кандуу кол салууларын кайра баштаган Израиль армиясы андан бери 1864 кишини өлтүрүп, 4900гө жакынын жарадар кылды. Бул кол салуулар январь айында күчүнө кирген ок атышпоо жана туткундарды алмашуу келишимине карабастан ишке ашты.
2023-жылдын октябрынан бери Израилдин Газага жасаган ырайымсыз кол салууларында көпчүлүгү балдар жана аялдар болгон 51 миң 200дөн ашуун палестиналык каза болду.
Өткөн жылдын ноябрында Эл аралык кылмыш соту Израилдин премьер-министри Биньямин Нетаньяху менен мурдагы коргоо министри Йоав Галлантты Газадагы согуш кылмыштары жана адамзатка каршы кылмыштары үчүн камакка алуу ордерин чыгарган.
Израиль өзгөчө согуштан улам Эл аралык сотто геноцид боюнча козголгон иш менен бетме - бет.
