Украинанын президенти Владимир Зеленский жекшемби күнү Россияга жарандык инфраструктурага карата кол салууларды 30 күнгө токтотуу сунушун киргизди.
Зеленский Х платформасынан берген билдирүүсүндө : “Украина узун аралыкка учуучу учкучсуз учуучу аппараттар жана ракеталар менен жарандык инфраструктурага карата жасалган бардык кол салуулардын кеминде 30 күндүк мөөнөт менен токтотулушун жана бул мөөнөттү узартуу ыктымалын сунуш кылууда”,- деди.
Украинанын президентинин бул сунушу Россиянын президенти Владимир Путиндин ишемби күнү Пасха майрамына карата 30 сааттык бир тараптуу ок атышпоо режимин жарыялаган учурга туш келди.
Буга жооп катары Зеленский Украинанын Россиянын кадамдарына ушундай эле кадамдар менен жооп бере аларын айтып: «Эгерде чындыгында ок атышпоо толук аткарылса, биз бул тыныгууну узартууну сунуштайбыз»,-деди.
Ок атышпоо Москва убактысы боюнча саат 18:00дө башталып, дүйшөмбү түн ортосуна чейин уланат. Бирок эки тарап тең бири-бирин бул эрежени бузуу менен айыпташууда.
Ок атышпоо тууралуу акыркы келинген жерде Зеленский Путин тарабынан жарыяланган ок атышпоонун Россия тарабынан 2000 жолудан ашуун бузулгандыгын айтты.
Зеленский өзгөчө: “Чынында, бардык негизги фронттук багыттар боюнча Россия өзүнүн ок атышпоо убадасын аткарган жок. Дээрлик бир күн Россиянын Пасха майрамынан баштап 30 күнгө созула турган толук ок атышпоо сунушубузга жооп берүү үчүн жетишсиз болду”, – деди Зеленский.
Зеленский Россиянын мындай кадамды четке кагышы “бир гана адам өмүрүн жок кылган жана согушту узарткан аракеттерди улантуу ниетинде экендигинин далили болот” деген сөздөрдү да кошумчалады.
