АКШ маалымат каражаттарынын билдиргенине караганда, вице-президент Жей Ди Вэнс шейшемби күнү Иран боюнча сүйлөшүүлөрдү жүргүзүү үчүн Пакистанга барат.

АКШнын Axios маалымат сайты дүйшөмбү күнү кечинде үч булакка таянуу менен, Вэнстин шейшемби күнү эртең менен согушту токтотуу боюнча ыктымалдуу келишим боюнча Исламабадга жөнөп кетиши күтүлүп жатканын кабарлады.

Маалыматка ылайык, Ак үй дүйшөмбү күнү Тегерандан Исламабадга сүйлөшүү тобун жөнөтүп же же жөнөтпөй турганы боюнча белги күттү.

Ортомчулар Ирандын жетекчилерин сүйлөшүүлөргө катышууга жана делегация жөнөтүүгө чакырышкан.

Тегеран азырынча Исламабадга делегация жөнөтүү боюнча чечимин жарыялай элек.

Бирок, Пакистан булактары New York Post гезитине Тегерандын "экинчи айлампага катышууга даяр" экенин, бирок бул маселе боюнча "эч кандай чечим кабыл алына электигин" айтты.

"Негизги борбор"

The New York Times гезитинин маалыматы боюнча, сүйлөшүүлөргө Стив Виткофф, Джаред Кушнер жана башка белгилүү инсандар катышышы мүмкүн, бирок окуялардын негизги борборунда Вэнс турат.

АКШнын вице-президентине Америка Кошмо Штаттарында барган сайын популярдуулугун жоготуп жаткан жана дүйнөлүк экономика менен татаал энергия жеткирүү чынжырларына басым жасоону улантып жаткан согуштан чыгуу жолун башкаруу милдети жүктөлдү.

Бул дипломатиялык жүк Тегеран менен байланыш каналдарын кайрадан ачуу аракеттери башталган, бирок чектелүү гана ийгиликтерге жетишилген учурга туш келди.

Пакистан 11-12-апрелде АКШ менен Ирандын ортосундагы биринчи түз жогорку деңгээлдеги сүйлөшүүлөрдү өткөрдү; бул эки өлкөнүн 1979-жылы дипломатиялык мамилелери үзүлгөндөн берки биринчи жогорку деңгээлдеги жолугушуусу болду, бирок сүйлөшүүлөр натыйжасыз аяктады.

Жекшемби күнү кечинде Исламабадда коопсуздук чаралары күчөтүлдү; жетекчилер шаар боюнча кошумча полиция кызматкерлеринин жайгаштырылганын ырасташты.