Рим папасы Лев XIV Стамбулдагы Cултанахмет мечитине барды
Рим папасы Стамбулдагы Осмон доорунан калган мечитти түрк жетекчилер менен бирге кыдырды.
Ватикан мамлекетинин башчысы Рим Папасы Лев XIV ишемби күнү Түркияга жасаган расмий сапарынын алкагында тарыхый Султанахмет мечитине барды.
Делегациясы менен бирге мечитти кыдырган Папа алты мунаралуу алгачкы Осмон мечити катары белгилүү болгон бул курулушту изилдеп чыкты.
Түркиянын маданият жана туризм министри Мехмет Нури Эрсой, Стамбул муфтийи Эмруллах Тунжел жана мечиттин кызматкерлери Папанын саякатын коштоду.
Муэззин Ашкын Муса Тунжа Рим Папасы Лев XIVге мечиттин архитектурасы жана тарыхый мааниси жөнүндө маалымат берди.
Рим Папасы Лев XIV өткөн бейшембиде президент Режеп Таййип Эрдогандын чакыруусу менен алгачкы чет өлкөгө болгон расмий сапарын Түркияга жасады. Папа глобалдык тынчтыктын маанисин баса белгиледи жана сапарынын дүйнө жүзү боюнча маанисин баса белгилей турганынан үмүттүү экендигин билдирди.
Рим Папасын Анкарадагы аэропортто маданият жана туризм министри Мехмет Нури Эрсой жана башка жетекчилер тосуп алышты.
Рим Папасы Лев XIV менен бирге келген Ватикандын расмий өкүлдөрүнүн арасында кардинал Пьетро Паролин жана архиепископ Пол Ричард Галлахер бар.