Түркиянын Тышкы иштер министри Хакан Фидан ишемби күнү эртең менен АКШнын мамлекеттик катчысы Марко Рубио менен телефон аркылуу сүйлөшүү өткөрүп, Сириянын түштүгүндөгү чыңалууну талкуулады. Бул тууралуу Түркиянын дипломатиялык булактары маалымдады.
Фидан Сириядагы кагылышууну токтотуу жана мурда жетишилген ок атышпоо келишимин сактоо зарылдыгын баса белгиледи.
Израилдин Сирия аймагындагы аскердик операциялары туруксуздукту күчөтүп жаткандыгын, Сириянын биримдигине, эгемендүүлүгүнө жана аймактык тынчтыкка коркунуч туудурарын эскертти.
Фидан Түркиянын Сириянын түштүгүндөгү туруксуз кырдаалды террористтик топтордун пайдаланышына жол бербей тургандыгын айтты.
Ошондой эле, Анкаранын Сириядагы конструктивдүү ролунан улам Вашингтонго колдоосун билдирди жана туруктуу тынчтыкка жетүү үчүн АКШ жана башка өнөктөштөр менен кызматташууга даяр экендерин билдирди.
Тышкы иштер министр учурдагы абалды Сирияны калыбына келтирүү жана элине келечекти камсыздоо үчүн маанилүү мүмкүнчүлүк катары мүнөздөдү.
Эки тарап өзгөчө Газадагы гуманитардык кризисти жана учурдагы морт ок атышпоо сүйлөшүүлөрүн талкуулашты.
Фидан Түркиянын тез арада жана туруктуу ок атышпоону камсыздоо чакырыгын кайталап, оккупациядагы Палестина анклавына жардам жеткирүүнүн зарылдыгын баса белгиледи.
