Японияда Дужуан тайфунунан улам төрт адам каза болду.

Япониянын метеорология агенттигинин билдирүүсүндө, Дужуан тайфуну Япониянын борбордук жана Тынч океандын чыгыш жээктерине карай жылып баратканы белгиленди.

Тайфундун алып келиши мүмкүн болгон катуу жаан-чачынга жана жер көчкүлөргө каршы борбор калаа Токионун 100 километр түштүгүндөгү Изу аралдарынын эң чоңу болгон Изу Ошимада эң жогорку деңгээлдеги эскертүү жарыяланды.

Япониядагы 5 күндүк майрам мезгилине туш келген тайфундан улам борбор шаар Токиодо транспорттук кызматтарда үзгүлтүктөр болуп, кээ бир иш-чаралар токтотулду.

45 000 үй-бүлөнүн электр энергиясынын үзгүлтүккө учурашына алып келген тайфундун Токионун чыгышындагы Чиба префектурасынан өтөрү күтүлүүдө.

4 адам каза болду

Тайфун Токиодо катуу жаан-чачынга ал эми Чиба жана Канагава префектураларында жер көчкүгө алып келди.

Бийлик өкүлдөрү тайфундун айынан Чиба жана Канагавада төрт адамдын каза болгонун билдиришти.

All Nippon Airways жана Japan Airlines авиакомпаниялары Токиодогу Ханеда аэропортуна жана андан учкан 270тен ашык каттам токтотулуп, болжол менен 40 000 адамдын жабыркаганын жарыялашты.

Nikkei гезитинин маалыматы боюнча, Токиодо жана анын тегерегиндеги алты префектурада жалпысынан 1,9 миллион адам эвакуацияланды.