Президент Режеп Таййип Эрдоган Стамбул шаарында өткөн жыйында Балкан өлкөлөрүнүн тышкы иштер министрлери жана жогорку даражалуу дипломатиялык өкүлдөрү менен эки тараптуу мамилелерди жана аймактык маселелерди талкуулашты.
Президенттиктин коммуникация башкармалыгынын жума күнү берген маалыматына караганда, жыйынга Черногориянын тышкы иштер министри Эрвин Ибрахимович, Косовонун тышкы иштер министри Доника Гервалла-Шварц, Босния жана Герцеговинанын тышкы иштер министри Элмедин Конакович, Түндүк Македониянын тышкы иштер министри Тимчо Муцунски, Албаниянын тышкы иштер министри Элиза Спиропали жана Сербиянын тышкы иштер министринин орун басары Невена Йованович катышты.
Президент Эрдоган Балкан тынчтык платформасынын экинчи жыйыны Стамбулда өткөрүлүп жатканына кубанычтуу экенин айтып, катышуучу өлкөлөрдүн өкүлдөрүнө кошкон салымдары үчүн ыраазычылык билдирди.
Эрдоган чек ара коопсуздугу, энергетика, технология жана транспорт сыяктуу темалардын каралышы менен бирге, аймактык ээлик кылуу түшүнүгү менен жүргүзүлгөн кеңештердин маанисине көңүл бурду.
Эрдоган дүйнө жүзү боюнча жана Балканда көптөгөн кыйынчылыктарга туш болуп жатканын айтып, Балкан тынчтык платформасына мүчө өлкөлөрдүн ортосундагы тилектештикти жана өз ара түшүнүшүүнү чыңдоо мурдагыдан да маанилүү экенин баса белгиледи.
Балканда өткөн күндөрдүн кыйынчылыктарынан сабак алып, келечекке багытталган бирдиктүү мамиле менен аракеттенүү зарылдыгына токтолгон Эрдоган катышуучуларга Түркиянын аймактагы туруксуздуктун кесепеттерин азайтуу жана токтотуу боюнча аракеттери жөнүндө эскертти. Эрдоган тынчтыкка багытталган демилгелер көптөгөн тармактарда, айрыкча Украинада, Газада жана Сирияда уланып жатканын билдирди.
