Кремлдин билдиргенине караганда АКШнын президенти Дональд Трамптын атайын өкүлү Стив Уиткофф жума күнү Россияга барды. Бул маалымат Россиянын мамлекеттик маалымат агенттиги РИA тарабынан билдирилди.
Axios буга чейин сапарга байланыштуу маалыматка жана FlightRadar маалыматтарына таянып, Уиткоффтун Россияга барып, жума күнү президент Владимир Путин менен жолугушары күтүлүп жаткандыгын кабарлаган.
Бул сапар бир жума мурун Россиянын мамлекеттик байлык фондунун башчысы жана экономикалык кызматташтык боюнча президент Владимир Путиндин атайын өкүлү Кирилл Дмитриевдин Вашингтондо Уиткофф жана башка АКШ өкүлдөрү менен жолугушуусунан кийин ишке ашууда.
Россия акыркы Путин-Уиткофф жолугушуусуна оң деп баа берип, орус президентинин атайын өкүлдү угуп, Трампка жеткирүү үчүн маанилүү маалыматтарды бергенин билдирген.
Бейшемби күнү АКШ делегациясы эки өлкөнүн элчилик ишмердүүлүгүн нормалдаштыруу боюнча сүйлөшүүлөр үчүн Россиянын Стамбулдагы башкы консулдугуна келди.
Россиянын делегациясын Россиянын АКШдагы элчиси Александр Дарчиев жетектесе, АКШ делегациясын Мамлекеттик катчынын орун басары Соната Коултер жетектеген.
Жолугушуунун алдында Дарчиев бир катар маселелер боюнча айрым жылыштардын болгондугун жарыялаган.
Акыркы жылдары Москва менен Вашингтон дипломаттары үчүн аккредитация алуудагы кыйынчылыктардан улам элчиликтердин ишмердүүлүгүн жүргүзүү өтө оор болуп жатканын билдиришкен.
Кремлдин билдиргенине караганда АКШнын президенти Дональд Трамптын аатайын өкүлү Стив Уиткофф жума күнү Россияга барды. Бул маалымат Россиянын маалымат агенттиги РИА тарабынан билдирилди.
