The Wall Street Journal (WSJ) гезити атын атабаган АКШнын расмий өкүлдөрүнө шилтеме жасап, Трамптын ноябрдагы орто мөөнөттүү шайлоодон кийин Иранга кол салууну кайра баштоону карап жатканын билдирди.

Кабарда АКШ булактарына таянып Трамптын Ирандын жети күндүк ок атышууну токтотуу сунушун четке какканы жана жардамчыларына орто мөөнөттүү шайлоодон кийин Иранга карата кол салууларды кайра баштоону күтүп жатканын айтканы белгиленди.

 Трамптын "ири масштабдуу аскердик операцияларды кайра баштоого даяр эмес" экени айтылган кабарда мунун АКШнын азайып бараткан ок-дарыларын башка ыктымалдуу жагдайлар үчүн сактап калуу каалоосунан улам келип чыкканы айтылган.

Ирандын тышкы иштер министри Аббас Аракчи Ормуз кысыгын кемелер үчүн кайра ачуу боюнча ортомчулар аркылуу АКШга жети күндүк "так" планды сунушташканын айтып, чечимдин Вашингтонго таандык экендигин айткан.