Ишемби күнү Иран дүйнөлүк державалар менен түзгөн 10 жылдык тарыхый келишиминин мөөнөтү аякташы менен биргеликте атомдук программасына карата чектөөлөргө баш ийбей турганын жарыялады.
Бирок Тегеран "дипломатияга берилгендигин" баса белгиледи.
Ирандын Тышкы иштер министрлиги келишимдин мөөнөтү аяктаган күнү берген билдирүүсүндө: "2015-жылдагы келишимдин бардык жоболору, анын ичинде Ирандын атомдук программасы жана ага байланыштуу механизмдер боюнча чектөөлөр эми токтотулду деп кабыл алынууда",- деп айтылды.
Министрлик өзгөчө:"Иран дипломатияга берилгендигин чечкиндүү түрдө кайталайт",- деп кошумчалады.
