Тышкы иштер министри Хакан Фидан 16-майда Стамбулда Москва менен Киевдин ортосунда өткөн тынчтык сүйлөшүүлөрүнүн дипломатиялык чечим издөөгө "жаңы өлчөм" кошкондугун билдирди.
Фидандын билдирүүлөрү жума күнү Украинага жасаган сапары учурунда украиналык кесиптеши Андрий Сыбиха менен өткөргөн биргелешкен пресс - жыйынында келди.
“Стамбулда түзүлгөн алмашуу келишиминин тездик менен бүтүшү сүйлөшүүлөрдүн конкреттүү натыйжаларды бере аларын далилдеди»,-деген Фидан Стамбулда жетишилген ылдамдыкты улантуу каалоосун билдирди.
“Бул согуштун уланышына көз жумуп коебуз, же болбосо ушул жылдын ичинде туруктуу тынчтыкка жетишебиз", - деп кошумчалады Фидан.
Түркиянын туруктуу тынчтык аракети
Россиянын тышкы иштер министри шаршемби күнү АКШнын мамлекеттик катчысы Марко Рубио менен телефон аркылуу сүйлөшүп, Түркиянын Стамбул шаарында өтүшү мүмкүн болгон Россия-Украина тынчтык сүйлөшүүлөрүн талкуулады.
Лавров буга чейин Россиянын Украина менен экинчи айлампадагы сүйлөшүүлөрүн 2-июнда Стамбулда өткөрүүнү сунуштаганын айткан.
Президент Эрдоган да сүйлөшүүлөрдүн Стамбулда кайра башталаарына үмүттөнөрүн билдирип: "Россия менен да Украина менен да байланыштабыз. Жетишкен ылдамдыкты туруктуу тынчтык мүмкүнчүлүгү катары көрүп жатабыз",- деди.
Украина Россиянын сунушуна азырынча жооп бере элек.
16-майда Россия менен Украина үч жыл ичинде биринчи жолу Стамбулда түз сүйлөшүүлөрдү өткөрүшүп, эки тарап тең 1000ден ашуун адамды камтыган масштабдуу туткун алмашуу боюнча макулдашышкан.
Түркиянын ортомчулугу менен өткөн сүйлөшүүлөрдө эки тарап ок атышууну токтотуу боюнча сүйлөшүүлөрдү улантуу боюнча да макулдашкан.
