Ички иштер министри Мустафа Чифтчи: "1919-жылы 19-майда Самсунда жанган ыйык факель бүгүнкү күндө да "Түрк кылымынын" максаттарына, улутубуздун биримдик жана тилектештик рухуна ылайык жолубузду жарыктандырууну улантууда",- деди.

Министр Чифтчи социалдык медиа баракчасынан 19-Май Ататүрктү эскерүү, жаштар жана спорт майрамына карата куттуктоо жарыялады.

1919-жыл 19 - Май Эгемендүүлүк үчүн күрөштүн алгачкы пайдубалы, толук көз карандысыз жана күчтүү Түркия жолунун алгачкы кадамы болгонун эскерткен Чифтчи төмөнкүлөрдү белгиледи: "1919 - жылы 19 - Майда Самсунда жагылган ыйык факель бүгүнкү күндө да "Түрк кылымынын" максаттарына, улутубуздун биримдик жана тилектештик рухуна ылайык жолубузду жарыктандырууну улантууда. Ата-бабаларыбыз өз жанын аябай бизге аманат кылган бул ыйык мекендин тынчтыгы, коопсуздугу жана келечеги үчүн ошол эле ишеним, ошол эле чечкиндүүлүк жана ошол эле улуттук аң-сезим менен иштөөнү улантып жатабыз. Жаштарыбыздын аракети, элибиздин дуасы жана мамлекетибиздин бекем эрки менен Түркияны ар бир тармакта күчтүү эртеңки күнгө алып барууну улантабыз. 19-Май Ататүрктү эскерүү, жаштар жана спорт майрамыбыз куттуу болсун. Гази Мустафа Кемал Ататүрк баш болгон бардык баатырларыбызды терең ыраазычылык менен эскерем».