Түркия Республикасынын Энергетика жана жаратылыш ресурстары министрлигинин билдирүүсүнө ылайык, Түркия менен Азербайжандын ортосундагы бекем энергетикалык мамилелер Баку энергетика жумалыгында жаңы этапка өттү.
Баку энергетика форумунун алкагында кол коюлган жаратылыш газын жеткирүү боюнча келишим менен Абшерон кенине жаңы өндүрүш инвестицияларынын негизинде 2029-жылдан баштап Түркияга жалпысынан 33 миллиард куб метр жаратылыш газы жеткирилет.
Түркиянын энергетикада борбордук өлкө болуу көз карашын колдогон бул кадам өлкөнүн, аймактын жана Европанын энергетикалык камсыздоо коопсуздугуна салым кошууну көздөйт.
Энергетика жана жаратылыш ресурстары министри Алпарслан Байрактар январь айынын башында Азербайжан менен жалпы көлөмү 33 миллиард куб метрлик жаңы жаратылыш газын жеткирүү келишимине кол коюлганын жарыялап, "Бул Азербайжандагы Абшерон кенинен жылына 2,25 миллиард куб метрлик 15 жыл бою да жалпы көлөмү 33 миллиард куб метр болгон келишим" деп билдирген.
