Пентагон Израилдин аба күчтөрү үчүн жаңы согуштук учактарды өндүрүү жана жеткирүүнү камтыган Израилдин F-15 программасынын алкагында Boeing компаниясы менен 8,6 миллиард долларлык келишим түздү.

Пентагон дүйшөмбү күнү келишим 25 жаңы F-15IA учагын долбоорлоону, интеграциялоону, сыноону, өндүрүүнү жана жеткирүүнү, ошондой эле кошумча 25 учакты өндүрүү мүмкүнчүлүгүн камтыганын билдирди.

Департаменттин маалыматына караганда, программа боюнча иштер АКШнын Миссури штатында жүргүзүлөт жана 2035-жылдын 31-декабрына чейин аяктайт.

Бул билдирүү АКШ президенти Дональд Трамп менен Израилдин премьер-министри Биньямин Нетаньяхунун Флоридадагы жолугушуусунан кийин айтылды.

Сапар учурунда Нетаньяху АКШнын коргоо министри Пит Хегсет менен жабык эшик артында жолугушууларды өткөрдү.

Израилге чексиз колдоо

Жо Байден менен Дональд Трамптын администрацияларынын тушунда АКШ Газадагы геноцид башталгандан бери, башкача айтканда андан берки эки жылдын ичинде Израилге кеминде 21,7 миллиард долларлык аскердик жардам көрсөттү.

Шартсыз курал-жарак колдоосунан тышкары Израиль жыл сайын атайын артыкчылыктардан, согуш мезгилиндеги кошумча каржылоодон жана Конгресстин чектелген көзөмөлүнөн да пайдаланууда.

АКШ Газадагы геноциддик согушта Израилге аскердик жардамы жана курал-жарак сатуусу үчүн катуу сынга кабылды.