Израилдин премьер-министри Биньямин Нетаньяхунун Ликуд партиясынын министрлери, оккупацияланган Батыш Шерианы парламент айдын аягында эс алууга чыга электе аннексиялоо сунушун билдиришти.
Бул сунуш Нетаньяхунун келерки жумада АКШнын президенти Дональд Трамп менен жолугушуусунун алдында көтөрүлдү. Жолугушууда Газада 60 күндүк ок атышпоо жана ХАМАС менен туткундарды бошотуу келишими талкууланары күтүлүүдө.
Сунушка 15 министр жана Кнессеттин катчысы Амир Охана кол койгон. Бирок премьер-министрдин кеңсеси бул боюнча дароо жооп берген жок. Нетаньяхунун жакын ишенимдүү адамы стратегиялык иштер министри Рон Дермер бул сунушка кол койгон эмес. Ал дүйшөмбүдөн бери Вашингтондо Иран жана Газа боюнча сүйлөшүүлөрдү жүргүзүүдө.
“Биз министрлер жана Кнессеттин мүчөлөрү, Израилдин мыйзамдарын жана эгемендүүлүгүн Жүйүт жана Самария аймактарына (басып алынган Батыш Жээк) дароо колдонууга чакырабыз,” - деп жазылган сунушта.
Сунушта ошондой эле Хамастын 2023-жылдын 7-октябрындагы күтүүсүз кол салуусу аймакта Палестина мамлекетин куруу идеясынын Израилге экзистенциалдык коркунуч туудурганын далилдегени белгиленип, «Миссия аткарылышы керек, экзистенциалдык коркунуч ичкериден жок кылынышы керек жана өлкөнүн жүрөгүндө дагы бир кыргындын алдын алуу керек»,-деп айтылды.
Израилдин басып алуусу
Израиль Батыш Шерианы 1967-жылы Араб-Израиль согушу учурунда басып алган. Оккупацияланган Батыш жээкте 500,000ге жакын мыйзамсыз отурукташкан адамдар жана басып алынган Чыгыш Кудста 200,000ден ашуун адам жашайт. Израиль бул аймактарда 100дөн ашуун мыйзамсыз конуштарды курган.
Көпчүлүк өлкөлөр Батыш жээктеги мыйзамсыз сионисттик конуштарды эл аралык мыйзамдарды бузуу катары карашат, анткени бул конуштар палестин коомчулуктарын бири-биринен бөлүп салат.
Блокададагы Газада Израиль 2023-жылдын 7-октябрынан бери 56,600дөн ашуун палестинди, көпчүлүгү аялдар жана балдарды өлтүрдү.
Палестинанын расмий WAFA кабар агенттигинин маалыматына караганда, 11.000ге жакын палестин кыйраган үйлөрдүн астында калган деп болжолдонууда.
Бирок адистер Газада каза болгондордун саны так эмес экенин жана чыныгы саны 200 миңдин тегерегинде болушу мүмкүн экенин айтышууда.
