TRT коммуникация өнөктөшү болгон TEKNOFEST «Көгүлтүр мекен» жарманкеси, Улуттук коргоо министрлигинин жана Түрк технологиялык командасынын фондунун (T3 фонду) негизги жетекчилиги астында Гөлжүк кеме куруучу жайынын командачылыгында өтүп жатат.
Иш-чаранын үчүнчү күнүндө дем алыш күндөрүн пайдаланган жарандар эртең мененки сааттардан баштап иш-чара өтүүчү жайга келе башташты.
Деңиз иштерине басым жасаган технология жана коргонуу өнөр жайынын ышкыбоздорун бириктирген иш-чара, Түрк деңиз күчтөрүнүн ар кандай класстагы платформаларынан баштап, адамсыз системаларга, учактарга, абадан коргонууга жана ракета системаларына чейинки кеңири түрдүү өнүмдөрдү жана технологияларды көрсөтөт.
Иш-чара өтүүчү жайды толтурган коноктор түрк коргонуу өнөр жайы тарабынан иштелип чыккан өнүмдөрдү жана деңиз платформаларын жакындан карап чыгуу мүмкүнчүлүгүнө ээ болушат.
Аймакка үй-бүлөлөрү менен келген балдар да технологиялык стенддерге кызыгуу көрсөтүштү, ал эми коноктор көргөзмөгө коюлган платформалардын алдында сүрөткө түшүштү.
Гөлжүк кеме куруучу жайынын командачылыгында уланып жаткан TEKNOFEST «Көгүлтөр мекен» жарманкеси дем алыш күндөрү көптөгөн конокторду тосуп алат деп күтүлүүдө.
Аймакка келген 12 жаштагы Мирай Ада Тургут кемелерди мынчалык майда-чүйдөсүнө чейин көрүп, карап чыгуу мүмкүнчүлүгүнө биринчи жолу ээ болгонун жана катышкан иш-чараларда абдан көңүлдүү убакыт өткөргөнүн айтты.
