АКШнын мамлекеттик катчысы Марко Рубио Израиль парламентинин (Кнессет) оккупацияланган Батыш Шерианы аннексиялоо аракети президент Дональд Трамптын Газадагы согушту токтотуу планына коркунуч туудурарын айтты.
Рубио шаршемби күнү Израилге жөнөп жатып журналисттерге аннексия тынчтык келишимине «коркунуч жаратып», «пайдасыз» болоорун билдирди.
Буга чейин АКШнын Мамлекеттик департаменти Трамптын администрациясы Газа тилкесинде ок атышпоо келишимин сактап калуу үчүн аракеттерин эки эсеге көбөйтүп жатканын жана Рубионун бейшемби күнү Израилге бара турганын жарыялаган.
Мамлекеттик департамент: "Рубио президент Трамптын Газадагы жаңжалды токтотуу боюнча комплекстүү планын ийгиликтүү ишке ашырууну колдоого жардам берет. Иш сапарынын жүрүшүндө катчы Американын Израилдин коопсуздугуна болгон берилгендигин дагы бир жолу тастыктайт, ошондой эле Жакынкы Чыгышта туруктуу тынчтык жана интеграцияга карата тарыхый жылышты бекемдөө максатында өнөктөштөр менен алакалашат" деди.
Рубионун сапары буга чейин Газада ок атышпоо келишимин талкуулоо үчүн Израилдин президенти менен жолуккан вице-президент Ж.Д. Вансенин сапарынан кийин болот.
