Эфиопия өлкөнүн түштүгүндөгү жер көчкүдөн каза болгондордун саны 80ге жетип үч күндүк улуттук аза күтүү жарыялады.

Эл өкүлдөр палатасынын төрагасы Тагессе Чафо аза күтүү ишемби күнү башталарын билдирди.

Жетекчилер нөшөрлөгөн жаандан улам келип чыккан жер көчкү Эфиопиянын түштүгүндөгү Гамо аймагында кеминде 80 кишинин сөөгү табылганын билдирди.

Жетекчилердин айтымына караганда апаат шейшемби күнү келген Гамо аймагында көп сандаган киши азыр да дайынсыз.

Аймакта көптөгөн күндөн бери жүргүзүлүп жаткан издөө - куткаруу иштери катуу жамгырдан улам кыйын шарттарда жүргүзүлүүдө.

Аймактык өкмөттүн байланыш бөлүмүнүн башчысы Хаилемариам Тесфайе дайынсыз кишилерге карата издөө иштерин күчөткөнүн айтты.

Эфиопиянын Адам укуктары боюнча комиссиясы жума күнү көчкүлөрдөн 3 461 адам үй-жайын таштоого аргасыз болгонун билдирди.

Өкмөт аймактык бийликтер менен биргеликте ресурстарды мобилизациялап, жабыркагандарга жардам берүү үчүн атайын фонд түздү. Бул фондго карапайым жарандар жана ишкерлер тарабынан кайрымдуулук каражаттары түшө баштады.

Чыгыш Африканын башка өлкөлөрүндө да абал оор. Ишемби күнү коңшу Кенияда күтүүсүз суу ташкынынан каза болгондордун саны 62ге жетти.

Бийлик өкүлдөрү жаан-чачын мезгилинин уланып жаткандыгына байланыштуу аймакта дагы көп жаан-чачын жаашы күтүлүп жатканын билдирип, коомчулукту этият болууга чакырышты.

Өткөн айда Өкмөттөр аралык өнүктүрүү органынын Климаттык божомолдоо жана ишке ашыруу борбору Уганда, Руанда, Бурунди, Танзания, Кения, Эфиопия, Түштүк Судан, Сомали жана Джибути сыяктуу аймактын көпчүлүк өлкөлөрүндө март-апрель-май айларындагы жаан-чачын мезгилинде орточо көрсөткүчтөн жогору жаашы 45 пайызга барабар экенин жарыялаган.