Стамбул үй-бүлө фонду, Үй-бүлө жана социалдык кызматтар министрлиги менен биргеликте 30-31-майда Стамбулда «21-кылымда үй-бүлө болуу» темасы менен 3-Эл аралык үй-бүлө симпозиумун уюштурат.

2020-жылы «Үй-бүлө цивилизациянын пайдубалы» урааны менен түзүлгөн Стамбул үй-бүлө фонду, адеп-ахлактык баалуулуктарга, адамдык табиятка жана Түркиянын маданий мурасына негизделген салттуу үй-бүлө моделин кайра жандандырууга багытталган маанилүү жарандык коом уюму катары өзгөчөлөнүүдө.

Фонддун билдирүүсүндө: “Быйылкы симпозиум, үй-бүлөгө байланыштуу глобалдык көйгөйлөрдү чечүү, инновациялык чечимдерди көрсөтүү жана туруктуу социалдык өнүгүүдө үй-бүлөнүн ролу тууралуу маалымдуулукту арттыруу үчүн Түркиянын жана дүйнөнүн төрт бурчунан алдыңкы академиктерди, эксперттерди жана адистерди чогултат.

Демократия жана Эркиндиктер аралында (Яссыада) боло турган эки күндүк иш-чарада академиялык панелдер, коомдук талкуулар жана маданий иш-чаралар өткөрүлөт.

Катышуучулар Яссыада музейине экскурсия, тамак-аш жана катышуу сертификаты сыяктуу мүмкүнчүлүктөрдөн акысыз пайдалана алышат. Ошондой эле, иш-чарада англис жана араб тилдеринде синхрондук котормо камсыздалат.

Аралга жетүү үчүн кемелер 30-май күнү саат 12:00де жана 31-май күнү саат 9:00да Бостанжы пристанынан жөнөйт.

Фонд түзүлгөндөн бери Үй-бүлө консультациялык борборлору, эл аралык симпозиумдар, Үй-бүлө TV, Үй-бүлө гезити, отчеттор, конференциялар жана заманбап коомдо үй-бүлөлүк баалуулуктарды бекемдөөгө багытталган көптөгөн билим берүү жана изилдөө программаларын ишке ашырып келет.