Дүйнөлүк Саламаттыкты Сактоо Уюму (ДССУ) согуштан талкаланган Газадан шашылыш медициналык эвакуация күтүлүп жатып акыркы бир жарым жылда 1000ден ашуун бейтаптын каза болгонун билдирди.
ДССУнун башчысы Тедрос Адханом Гебрейесус жума күнү X социалдык тармагында бөлүшүүсүндө, БУУнун агенттиги жана өнөктөштөрүнүн согуш башталгандан эки жылдан ашык убакыттын ичинде "Газадан ден соолугуна байланыштуу олуттуу көйгөйлөрү бар 10 600дөн ашуун бейтапты, анын ичинде 5 600дөн ашууну баланы эвакуациялаганын" билдирди.
Биро Газада дагы көп бейтаптын эвакуацияны күтүп жатканын эскертти.
Тедрос Газанын Саламаттыкты сактоо министрлигинин маалыматтарына шилтеме жасап, 2024-жылдын июль айынан 2025-жылдын 28-ноябрь айына чейин медициналык эвакуацияны күтүп жаткан1092 бейтаптын каза болгону белгилүү экенин айтты.
"Бул сан аз көрсөтүлүшү мүмкүн" экендигин билдирип, "дагы өкп өлкөнүн Газадан келген бейтаптар үчүн эшиктерин ачууга жана Чыгыш Кудс менен бирге Батыш Шериага медициналык эвакуацияны кайра баштоого" чакырды.
“Бейтаптар буга көз каранды”
ДССУнун катчысы Тарик Ясаревич жума күнү Женевада журналисттерге билдиргендей, Газадан тышкары дагы эле 18 500 бейтап, анын ичинде 4000ден ашык бала дарыланууга муктаж.
"Чек арасыз дарыгерлер" уюмунун кызматкери ушул айдын башында AFP агенттигине ДССУнун көрсөткүчтөрү катталган бейтаптарды гана чагылдырарын жана шашылыш эвакуацияга муктаж болгон адамдардын чыныгы саны бир нече эсе көп экенин айтты.
«Бул адамдардын көпчүлүгүнүн күтө турган убактысы жок», — деа баса белгиледи Ясаревич.
АКШнын ортомчулугу менен жетишилген ок атышууну токтотуу Газадагы согушту токтотту, бирок 10-октябрдан бери күчүндө болгон келишим морт бойдон калууда, анткени Израиль менен ХАМАС бири-бирин дээрлик күн сайын эреже бузуулар боюнча айыпташууда.
