Хамас Израилдин Газага карай жолго чыккан Глобалдык Сумуд флотилиясына каршы кийлигишүүсүн айыптап:"Каракчылык жана деңиз терроризми жарандарга карата кылмыш”,- деп мүнөздөп, “дүйнөдөгү бардык эркиндикти коргоочуларды" кол салууну айыптоого чакырды.
Топ эл аралык сууларда болгон кийлигишүү, ошондой эле активисттер менен журналисттердин кармалышын "чыккынчылык чабуулу" деп мүнөздөп, “Израилдин кылмыштар тууралуу кара тизмесине дагы бирин кошконун" билдирди.
Палестинанын Ислам Жихады дагы ушундай билдирүү жасап, Израилди "кемедеги катышуучулардын коопсуздугунан толугу менен жооптуу" деп, бул рейдди "деңиз каракчылыгы, эл аралык жана гуманитардык конвенцияларды ачык бузуу" деп мүнөздөдү.
Эл аралык айыптоолор
Палестинанын оккупацияланган аймактарындагы адам укуктары боюнча БУУнун атайын баяндамачысы Франческа Албанесе Израилдин флотилиянын активисттерин камоосун “мыйзамсыз” деп атап, Батыш өкмөттөрүн кылмышка шериктеш болуу менен айыптады.
Европа өлкөлөрү да тынчсызданууларын билдиришти.
Франция Израилди "катышуучулардын коопсуздугун камсыз кылууга жана аларга консулдук коргоо берүүсүн" талап кылды.
Швейцария флотилияга карата кандайдыр бир аракеттин "чыңалуу жана пропорционалдуулук принциптерине ылайык келиши керектигин жана кемедеги адамдардын коопсуздугун камсыз кылуу зарылдыгын" белгиледи.
Түркиянын Тышкы иштер министрлиги Израилдин деңиз күчтөрүнүн бул аракетин "катуу айыптап", "террордук акт" деп мүнөздөдү.
Испания аймактагы консулдуктарын "жогорку даярдыкта" экендигин белгилеп, кырдаалды жакындан көзөмөлдөп жатканын билдирди.
Бельгия Израилге "эл аралык мыйзамдарды, деңиз мыйзамдарына сый көрсөтүүгө жана флотилиянын кемелерин коргоого" чакырык салды.
Ирландия бул окуяны "тынчсыздандыруучу" деп мүнөздөдү. Ирландиянын президенти Майкл Хиггинс Израилдин рейдин жана Газадагы жолдордун жабылышын "дүйнө үчүн кооптуу" деп атап, активисттердин коопсуздугу "бардык улуттар үчүн маанилүү" экенин белгиледи жана бул окуяны "Газадагы геноцид саясаты" менен байланыштырды.
Европа Парламентинин мүчөлөрү да өз пикирлерин билдиришти. Италиялык депутат Брандо Бенифей бул окуяны "мыйзамсыз жана кылмыштуу акт" деп атап, эл аралык коомчулукту флотилияны коргоо керектигин айтты.
Түштүк Америкадан да айыптоолор келди
Колумбиянын президенти Густаво Петро эки колумбиялык жарандын кармалышынан кийин Израилдин дипломатиялык делегациясын өлкөдөн чыгарып, рейдди геноцидчи Нетаньяху тарабынан жасалган "жаңы эл аралык кылмыш" деп атады.
Бразилия кемедеги 15 жаранынын коопсуздугуна тынчсыздануусун билдирди, ал эми Венесуэла бул окуяны "коркоктук менен жасалган деңиз каракчылыгы" деп атады.
Уругвай "олуттуу тынчсыздануусун" билдирип, Боливиянын президенти Луис Арсе бул чабуулду "эл аралык мыйзамды ачык бузуу" деп мүнөздөдү.
Чили флотилиядагы жарандарына колдоо көрсөтөрүн билдирип, Израилди алардын коопсуздугу үчүн жооптуу деп атады.
Гуманитардык жардам жана медициналык буюмдарды ташыган Глобалдык Сумуд флотилиясы август айынын акыырнда жолго чыккан. Нормалдуу шарттарда Газа жээгине жетиши күтүлүп жаткан. 45тен ашык өлкөдөн 500дөн ашык активистти ташыган 50 кемеден турган флотилия акыркы жылдардагы эң чоң миссия болду.
