АКШ Конгрессиндеги республикачылар менен демократтар жекшемби күнү эртең менен АКШнын Ирандын өзөктүк объектилерин бомбалоосуна дароо жооп кайтарышты.
Сенаттын Куралдуу күчтөр боюнча комитетинин төрагасы, Миссисипиден келген республикачы Роджер Уикер операцияны кубаттады, бирок АКШ азыр «өтө олуттуу чечимдердин алдында» турганын айтты.
Сенаттын Эл аралык байланыштар боюнча комитетинин төрагасы, Айдахо штатынан келген республикачы Жим Риш: «Бул биздин согуш эмес, Израилдин согушу, бирок Израиль биздин эң күчтүү өнөктөштөрүбүздүн бири жана Иранды дүйнө үчүн куралсыздандырууда», - деди.
Риш: «Бул чексиз согуштун башталышы эмес. Иранда америкалык аскерлер болбойт»,-деп кошумчалады.
Кентукки штатынын консервативдик республикачыл өкүлү Томас Масси конгресстин чет өлкөлөргө согуш жарыялоо укугуна токтолуп, социалдык медиа аркылуу «Бул конституцияга каршы келет» деп оюн билдирди.
Луизиана штатынын Өкүлдөр палатасынын спикери Майк Жонсон: «Президент Иран лидерине келишим түзүү үчүн бардык мүмкүнчүлүктөрдү берди, бирок Иран өзөктүк куралсыздандыруу келишимин сактоодон баш тартты»,- деди.
«Президенттин чечкиндүү аракети Американы өлүм менен коркуткан жана дүйнөдөгү эң коркунучтуу куралды алууга аракет кылган терроризмдин эң ири мамлекеттик демөөрчүсүнө бөгөт коюуда»,-деп кошумчалады ал.
Сенаттагы көпчүлүктүн лидери, Түштүк Дакота штатынын республикачылы Жон Тун: «Мен президент Трампты колдойм»,-деп өз колдоосун баса белгиледи.
Палестиналык иммигранттардын кызы Мичиган демократы,эл өкүлү Рашида Тлаиб: «Президент Трамптын Конгресстин уруксатысыз Иранды бомбалоо үчүн АКШ аскерлерин жиберүүсү биздин Конституциябызды ачык бузуу болуп саналат. Америка эли дагы бир бүтпөс согушту каалабайт. Биз Жакынкы Чыгышта ондогон жылдар бою созулган согуштар бизди кай жакка түрткөнүн көрдүк...Бардыгы массалык кыйратуучу курал-жарактар боюнча жалганга негизделгенин»,-деп билдирди.
Виржиния штатынын сенатору, демократ Тим Кейн АКШ эли «Иранга каршы согушка басымдуу түрдө каршы» экенин жана Трамп «коркунучтуу өкүмүн» көрсөткөнүн айтты.
Конгресстин мурдагы демократ мүчөсү жана азыр VoteVets прогрессивдүү ардагерлер тобунун улук кеңешчиси Макс Роуз: «Трамптын Конгресстин уруксатысыз Иранга тикелей чабуул жасоо чечими мыйзамсыз», - деп каршы чыгып: «Бул жаңжал анын жана бардык жоопкерчиликтерин таштаган республикачылардын жаңжалы»,-деп баса белгиледи.
