Түркия Республикасынын Президенттигинин Коммуникация башкармалыгынын билдирүүсүндө, Түркиянын президенти Режеп Таййип Эрдоган менен Ирандын президенти Масуд Пезешкиандын телефон аркылуу сүйлөшүүсүндө аймактык жана глобалдык абалдар, ошондой эле эки өлкөнүн карым-катнаштары тууралуу сөз болду.

Президент Эрдоган шаршемби күнкү сүйлөшүүдө Түркиянын алдыдагы мезгилде Иран менен карым-катнаштарынын институттук алкагын бекемдөөгө чечкиндүүлүгүн баса белгиледи.

Эрдоган ошондой эле Курман айт майрамынан улам президент Пезешкианга куттуктоосун айтты.