Филиппиндин вулканология жана сейсмология институту (Phivolcs) Филиппинде күчү 7.0 баллга жеткен жер титирөө болгонун жана цунами коркунучу тууралуу эскертүү жарыялады.
АКШнын Геологиялык кызматынын (USGS) маалыматы боюнча, шейшемби күнү саат 13:59да болгон жер титирөөнүн эпицентри Себу провинциясынын түндүгүндө, 10 километр тереңдикте (6,2 миль) болгон.
Институт Лейте аралы, Себу аралы жана Билиран аралындагы пляждардан жана жээктерден алыс болуу керектигин эскертип, жээкке жакын аймактарда жайгашкан адамдарды ички аймактарга карай көчүүгө чакырды.
"Inquirer” гезитинин маалыматына ылайык, Себу шаарындагы жүз жылдык католик храмы жер титирөөдөн кийин жарым-жартылай урады.
Бир тараптан Philstar Media Group берген маалыматка ылайык, Бантаян аралындагы Ыйык Петр жана Павел чиркөөсү да жер титирөө учурунда кулады.
Шаршемби күнү Себунун көптөгөн аймактарында, анын ичинде Лапу-Лапу шаарында, Мандауэ шаарында, Талисай шаарында, Мингланиллада, Консоласьондо жана Лилоанда мектептер жабылды.
Германиянын Геология изилдөө борбору жер титирөөнүн күчүн 6,7 балл деп аныктады.
Жергиликтүү Rappler агенттигинин маалыматына ылайык, Филиппиндин вулканология жана сейсмология институту кыйроолор жана жер титирөөлөрдүн күтүлүп жатканын билдирди.
