Ирандын Төңкөрүш Гвардиясы кагылышуулардын үчүнчү күнүндө жасаган билдирүүсүндө Ирандын жооп кайтаруусунан ушул кезге чейин Жакынкы Чыгышта Израиль жана АКШ менен байланыштуу болгон 500 бутага сокку урганын айтты.
Төңкөрүш Гвардиясынын дүйшөмбү күнкү билдирүүсүндө: "Кагылышуу башталгандан бери Ирандын куралдуу күчтөрүнүн аскерлери Американын аскердик катышуусуна тиешелүү 60 стратегиялык объектти жана 500 бутаны, ошондой эле сионисттик режимдин (Израил) объектилерин аткылашты", — деп билдирди.
Билдирүүдө өзгөчө 700дөн ашык учкучсуз аппарат жана жүздөгөн ракетанын учурулганы белгиленди.
Тегеран 28-февралда башталган, диний лидер Али Хаменеинин өлүмүнө алып келген жана башка объектилерди бутага алган АКШ менен Израилдин биргелешкен чабуулдарына жооп иретинде көптөгөн баллистикалык ракеталарды жана учкучсуз аппараттарды учурду.
Ирандын айрым чабуулдары түздөн - түз Израилди бутага алып (анын ичинде Бейт-Шемеш жана Кудска жакын жердеги окуялар), кеминде 11 адамдын каза болушуна жана көп сандаган адамдын жараланышына жол ачты.
Иран ошондой эле аймактагы АКШнын аскердик күчтөрүнө жана базаларына чабуул жасады. Анда АКШнын 6 аскери каза болуп, көптөгөн аскер да жараланды.
АКШ күчтөрүн кабыл алган Бириккен Араб Эмираттары, Кувейт, Катар, Бахрейн, Сауд Арабиясы жана Оман сыяктуу Перс булуңундагы өлкөлөр да Ирандын аскердик, жарандык жана инфратүзүмдүк объектилерине багытталган түздөн - түз ракеталык жана учкучсуз аппараттардын чабуулдарына дуушар болушту.
CNN телеканалы АКШнын Борбордук командачылыгынын (CENTCOM) дүйшөмбү күнкү билдирүүсүнө таянып АКШ жана Израилдин Иранга каршы биргелешкен аскердик операциясы башталгандан бери 18 америкалык аскердин "оор жаракат алганын" кабарлады.
Капитан Тим Хокинстин бул билдирүүсү Ирандын биринчи каршы чабуул толкунунда алган жаракатынан улам дагы бир аскердин каза болгону тастыкталгандан кийин жасалды.
Эл аралык Кызыл Крест уюмунун билдирүүсүнө ылайык, АКШ менен Израилдин Ирандын 131 районуна жасаган биргелешкен чабуулдарында ушул күнгө чейин кеминде 555 адам каза болду.
Эң кандуу окуя Ирандын түштүк-чыгышындагы Минаб шаарында болуп, кыздардын башталгыч мектебине жасалган чабуулдан 180 окуучу кыз набыт болду.
