Израиль армиясы Хамастын ок атышпоо келишиминин негизинде бир барымтадагынын сөөгүн тапшырарын билдиргенден кийин сөөктүн Газада Кызыл Крестке тапшырылганын жарыялады.

Израиль жума күнү берген маалыматында: "Кызыл Крест тарабынан берилген маалыматка караганда, барымтадагы адамдын сөөгү табытта кабыл алынган жана Газа тилкесиндеги Израиль армиясынын бөлүктөрүнө карай жолго чыкты. Хамас келишимге баш ийип, бардык барымтадагыларды кайтаруу үчүн керектүү кадамдарды жасашы керек",- деп айтылды.

Израилдин премьер-министрлик кеңсеси да : «Израиль Кызыл Крест аркылуу Газадагы израилдик күчтөргө кайтарылган барымтадагы бир адамдын сөөгүн алды»,-деп билдирди.

Билдирүүдө сөөктөрдүн өздүгүн тактоо үчүн Израилдеги медициналык борборго өткөрүлөрү кошумчаланган.

Бул жеткирүү менен кайтарылган сөөктөрдүн жалпы санын 11ге жетти.

Хамас калгандарын да кайтарып берүүгө убада берди.

Израилдин коргоо министри буга чейин курчоодогу Газага карата чабуулду кайра улантуу менен коркуткан.

Хамастын жогорку мартабалуу жетекчиси Гази Хамад жума күнкү билдирүүсүндө бул коркутууларды “кабыл алынгыс кысым тактикасы” деп атады.

"Сөөктөрдү кайтаруу маселеси татаал процесс жана убакытты талап кылат, өзгөчө оккупациянын Газанын жүзүн өзгөрткөндөн кийин. Биз сөөктөрдү кайтарып беребиз жана убада кылгандай, келишимге баш ийебиз", - деди Хамад.