Вице-президент Жевдет Йылмаз Кытайдын вице-президенти Хан Чжэн менен жолугушту.
Вице-президент Йылмаз NSosyal баракчасындагы билдирүүсүндө Стамбулда өткөрүлгөн жолугушуунун жемиштүү болгонун айтты.
Йылмаз өз билдирүүсүндө: “Өлкөлөрүбүздүн ортосундагы кызматташтыкты мындан ары да өнүктүрүү максатыбызга ылайык, жалпы иш багыттары менен аймактык жана глобалдык маселелерди, өзгөчө экономика жана соода, байланыш, туризм, коргонуу өнөр жайы, илим жана технологияны талкууладык. Кытай Эл Республикасы менен болгон экономикалык мамилелерибизди өз ара пайданын негизинде тең салмактуу жана туруктуу кылууга, ошондой эле учурдагы кызматташтык механизмдерибизди натыйжалуураак иштетүүгө маани беребиз. Хан Чжэн мырзага жылуу сапары үчүн ыраазычылык билдирем” деди.
