Германия көптөн бери кечиктирилип келген Eurofighter Typhoon учактарынын Түркияга тапшырылышына уруксат берип, чоң коргонуу экспорту келишиминин алдындагы маанилүү тоскоолдукту жойду.
Германия өкмөтүнүн басма сөз катчысы Штефан Корнелиус шаршемби күнү Берлинде өткөн маалымат жыйынында : “Коргоо министрлигинин экспорт уруксатын камтыган расмий жазууну Түркия өкмөтүнө жөнөттү”,- деп билдирди.
Уруксат Түркиянын коргоо министри Яшар Гүлер менен Британиянын коргоо министри Жон Хилинин Стамбулда 40 Eurofighter Typhoon учагын сатып алуу боюнча өз ара түшүнүшүү меморандумуна кол койгондон кийин берилди. Анкаранын планында олуттуу жылыш болду.
Келишимге17 - Эл аралык коргоо өнөр жайы жарманкесинин (IDEF) негизинде кол коюлду жана Британиянын коргоо министрлиги тарабынан НАТОнун эки союздашынын миллиарддаган долларлык экспорттук келишимди аяктоо үчүн “олуттуу кадам” катары мүнөздөдү.
Стармен келишимди мактады
Британиянын премьер-министри Кир Стармер бул кадамды кубаттады. Стармер: "Бул келишим турмуштук маанидеги коргонуу өнөр жайыбызды бекемдейт, өзгөрүү планыбызды ишке ашырат жана бизди жана союздаштарыбызды бул белгисиз мезгилде коопсуз кылат",- деди.
Өз ара түшүнүшүү меморандуму Түркияга Британия, Германия, Италия жана Испания тарабынан биргелешип чыгарган алдыңкы учактарды сатып алуу мүмкүнчүлүгүн гана бербестен, НАТОнун жамааттык кармануу позициясын жана коргонуу өнөр жайы кызматташтыгын дагы бекемдейт.
Британиянын коргоо министри Хили бул сатуунун өлкөсүндөгү миңдеген квалификациялуу жумуш орундарын коргой турганын жана Анкара менен стратегиялык байланыштарды дагы да бекемдей тургандыгын айтты. Бул Британиянын 2017-жылдан берки биринчи Eurofighter экспорттук келишими болот.
Берлиндин кооптонуулары жоюлду
Келишимге эң чоң тоскоолдуктардын бири болгон Германиянын кооптонуулары жоюлду. Британия, Германия, Италия жана Испания - Eurofighter учактарын өндүрүү боюнча өнөктөштөр - баарынын сатууга уруксат бериши менен жеткирүү шарттары боюнча расмий сүйлөшүүлөр жакынкы апталарда ылдамдай турганы күтүлүүдө.
Бул абал Түркия менен Британиянын коргонуу өнөр жайы жана НАТОнун алкагындагы стратегиялык кызматташтыгында да жаңы мезгилдин белгиси.
