Индонезияда куткаруучу топтор Чыгыш Ява провинциясында кулаган исламдык мектеп - интернаттын урандыларынын астындаа калган курмандыктарды издөө иштерин аякташты. Өзгөчө кырдаалдар башкармалыгынын маалыматына ылайык, 60тан ашуун адамдын сөөгү табылды.
Өткөн айда Сидоарджо шаарчасында Ал Хозини мектеби пайдубалындагы кемчиликтерден улам кулап көптөгөн киши каза болду. Имарат кулаган учурда көпчүлүгү эркек балдар болгон окуучулар бешим намазын окуп жаткан.
Көптөгөн киши качып чыкты
Табигый кырсыктарды башкаруу агенттиги имараттын ичиндеги 61 адамдын сөөгүнүн табылганын жана полиция тарабынан күбөлүгү аныкталууга аракет кылынган жети дене бөлүгүнүн табылгандыгын билдирди. Бул билдирүү менен бирге жылдын эң коркунучтуу апааты деп мүнөздөлгөн окуяда издөө иштери токтотулду.
Издөө-куткаруу агенттигинин башчысы Мохаммад Сяфии урандылар тазалангандан кийин "Ал - Хозини мектебинин кыйрашына байланыштуу операциялар расмий түрдө аяктады" деди.
Агенттиктин жетекчисинин орун басары Буди Иравандын айтымында, сөөктөрдүн арасында кесилген буттардын дагы бар экенин тактап жатышат.
Куткаруу топтору экскаватор жана крандарды колдонуп, бетондун чоң бөлүктөрүн алып чыгышты. Алар туннелдерди казып жатканда, али тирүү экендиги болжолдолгон жабырлануучулардын аты аталды.
Ал - Хозини – өлкөдөгү “песантрен” (ислам медреселери) деп аталган 42 000ден ашык мектеп-интернаттын бири. Коомдук иштер министрлигинин маалыматы боюнча, бул мектептердин 50сүнүн гана уруксаты бар.
Reuters агенттиги Ал - Хозининин лицензиясы бар же жок экенин тактоо үчүн мектеп жетекчилери же расмий адамдар менен байланыша алган жок. Өткөн аптада маалымат каражаттары Сидоаржо расмий өкүлү Субандинин мектептин лицензиясынын жок экендигин айтканын билдирди.
