Өткөн аптадан бери Европаны таасири астына алган ысык аба толкунунун болжол менен 2300 кишинин каза болушуна себеп болгону болжолдолууда. Бул маалымата шаршемби күнү жарыяланган изилдөөгө негизделген.
Лондон Империал Колледжинин жана Лондон Гигиена жана Тропикалык Медицина мектебинин окумуштуулары жүргүзгөн изилдөөгө ылайык, болжол менен 2300 өлүмдүн 1500ү (65%) климаттык кризиске байланыштуу. Климаттык кризис континентте ысык толкунун күчөтүүдө.
Изилдөө климаттык кризистин жалпы Европада жайдын башында ысыкка байланыштуу өлүмдөрдү үч эсеге көбөйткөнүн белгиледи.
Окумуштуулар 23-июндан 2-июлга чейинки 10 күндүк ысык толкунга көңүл буруп, Лондон, Париж, Франкфурт, Будапешт, Загреб (Хорватия), Афина, Рим, Милан, Сассари (Италия), Барселона, Мадрид жана Лиссабон сыяктуу Европанын 12 шаарын изилдешти.
Изилдөөдө: "Бул анализдин жана башка көптөгөн изилдөөлөрдүн жыйынтыктары айкын: климаттык кризистен улам Европада температуранын экстремалдык көрсөткүчтөрү тездик менен өсүп жатат”,- деп билдирилди.
Мындан тышкары, бул шаарларда температура 4°Cге чейин жогорулаганы баса белгиленди.
Рекорддук ысык толкуну
Изилдөө ысык аба толкундарынын температурасы мындан ары да жогорулап, өлүмдөрдүн санын көбөйтүшү мүмкүн экенин эскертти.
Европа Биримдигинин "Коперник" климаттын өзгөрүшү боюнча кызматы шаршемби күнү жарыялаган айлык климаттык бюллетенинде 2025-жылдын июнь айынын дүйнө жүзү боюнча эң ысык үчүнчү июнь айы болгонун белгиледи. Аймактын көпчүлүк бөлүгү күчтүү ысыктан жабыркады. Бул ысык толкуну Батыш Жер Ортолук деңизиндеги деңиз бетинин рекорддук температураларынан улам ого бетер күчөдү",- деди.
Бургесс ысык толкундарынын «көп кездешүүчү, күчтүү» абалга келишинин жана жалпы Европада дагы көп адамдын таасирлениши ыктымал экендигин белгиледи.
