13 жаштагы бала Австралия жээгинде деңизге жетеленген үй-бүлөсүн куткаруу үчүн бир нече саат бою сүзүп, апасынын жана эки бир тууганынын өмүрүн сактап калды.
Полициянын айтымында, Остин Аппелби жума күнү апасы Джоан Аппелби (47), иниси Бо (12) жана эжеси Грейс (8) менен бирге кыйын абалдан кутулуу, жардам сурап жээкке чейин төрт чакырым сүзүп барган.
Остин башында сууга баткан үйлөмө кайык менен жардам издөөгө чыкканын айтты. Кийинчерээк ал кайыкты таштап, сүзүүсүн жайлаткандыктан куткаруучу жилетин да чечип салган.
Остин толкундуу деңизде жээкке карай төрт сааттай сүзүп баратып, позитивдүү ойлорго көңүл бурууга аракет кылганын жана жергиликтүү убакыт боюнча саат 18:00дө (GMT боюнча 10:00) жардам чакырганын айтты.
Шейшемби күнү Остин: «Толкундар абдан чоң болчу, үстүмдө куткаруучу жилетим да жок эле... Ичимден тынбай "сүзө бер, токтобо" деп кайталап жаттым. Акыры жээкке жетип, кумдун үстүнө куладым», — деди.
Перт шаарынан эс алууга келген бул үй-бүлө түшкө маал мейманканадан ижарага алган каноэ жана сапборд (сүзүүчү такта) менен деңизге чыгышкан. Бирок океандагы катуу шамал жана агым аларды ачык деңизге жетелеген.
Полиция издөө тик учагынын апасы менен эки баласын саат 20:30да (Гринвич убактысы боюнча 12:30) куткаруучу жилет кийип, калактуу серфинг тактасын кармап турган жеринен тапканын билдирди. Батыш Австралия штатындагы Квиндалуптан 14 километр алыстыкта, сууда 10 саатка чейин убакыт өткөргөндөн кийин сууга жетеленген.
Полициянын башчысы Жеймс Брэдли: "13 жаштагы баланын кылганын канчалык мактасак да аздык кылат; анын чечкиндүүлүгү жана кайраты апасынын жана бир туугандарынын өмүрүн сактап калды", - деди.
Джоанн Аппелби шейшемби күнү журналисттерге үч баласын жалгыз калтыра албагандыктан, улуу баласын жардамга чакырууга жөнөткөнүн айтты.
Австралиянын телерадиоберүү корпорациясына (ABC) берген маегинде Джоанн: «Жашоомдогу эң оор чечимдердин бири — Остинге жээкке барып, жардам алып кел. Бул кырдаал тез эле кооптуу болуп кетиши мүмкүн деп айтуу болду», — деди.
Джоанн уулунун жээкке жетерине ишенгенин бирок күн батып, жардам келбей калганда күмөн саноолор пайда болгонун айтты.
«Биз жакшы маанайда болууга аракет кылдык, ырдадык, тамашалаштык... Күн бата баштаганга чейин муну оюн сыяктуу кабыл алдык. Бирок күн батканда деңиз аябай толкундап, коркунучтуу боло баштады», — деди.
Апасынын айтымында, аларды куткарышканда үчөө тең калтырап тоңуп калышкан, ал эми Бонун буттары сууктан улам эч нерсе сезбей калган. «Менин үч балам бар. Үчөө тең аман калды. Эң негизгиси ушул», — деди ал.
Үй-бүлөнүн төрт мүчөсү тең медициналык кароодон өтүштү, бирок алардын бири да ооруканага жаткырылууга муктаж эместиги аныкталды.
