АКШнын президенти Дональд Трамп ушул аптада Израилдин премьер-министри Биньямин Нетаньяхуга блокададагы Газа тилкесинде "кыйынчылык тартып жаткан" элге "жакшы мамиле кылуу керектигин" айтканын белгиледи.
Жума күнү Израилдин жети жумадан узун убакыттан бери токоол болгон гуманитардык жардамдарды тапшырууну маселесин көтөрдүбү деген суроого Трамп шейшемби күнү Нетаньяху менен өткөргөн телефон аркылуу сүйлөшүүдө «Газага жакшы мамиле кылынышы керектигине» токтолгондугун айтып жооп берди.
«Бул кишилер кыйынчылык тартып жатат. Газага жакшы мамиле кылуу керек. Муну менен алектенип жатабыз. Тамак - аш жана өзгөчө дары - дармекке муктаждык бар»,- деди.
Трамп администрациясынын Израилдин тамак - аш жана дары - дармектерди өткөрүүгө уруксат бериши үчүн кысым жасалдыбы деген суроого : «Ооба, кысым көрсөтүүдөбүз»,- деп жооп берди.
Дүйнөлүк азык-түлүк программасы (WFP) жума күнү Израиль 2-марттан бери чек ара бекеттерин жабык кармап тургандыктан Газадагы азык-түлүк запасынын түгөнүп калгандыгын жарыялаган. Өзгөчө калктын жарымын гана тамак-аш менен камсыз кылган жана күнүмдүк муктаждыктын 25 пайызын гана камсыздаган ашканалар бир нече күндүн ичинде толугу менен азык - түлүксүз каларын эскертти.
БУУнун агенттиги колдогон 25 наабайкананын баары 31 - мартта буудай уну жана бышыруу үчүн отун түгөнгөндүктөн жабылгандыгын белгиледи. Үй - бүлөлөргө таратылган азык - түлүк пакеттери ошол эле жуманын ичинде бүткөн. Дүйнөлүк азык-түлүк программасы адамдар «коопсуз суу жана тамак бышыруу үчүн отундун» жоктугунан тамак бышыруу үчүн отун издегенге мажбур болгондугун баса белгиледи.
Газа тарыхындагы эң узак чек араны жабуу процессин өткөрүп жатат. Аймакка жети жумадан бери гуманитардык же коммерциялык жүктөр киргизилген жок.
Дүйнөлүк азык-түлүк программасы азык - түлүк баалары ок атышпоо мезгилине салыштырмалуу 1400 пайызга чейин кымбаттаганын жана негизги муктаждык материалдарынын жетишсиз экендигин билдирди. Бул абал кичинекей балдарды, кош бойлуу жана эмизген аялдар менен карым - картаңдар сыяктуу аяр топтор үчүн «олутту тамактануу кооптонууларын» жаратууда.
Агенттик чек ара каалгалары кайра ачылганда төрт ай 1 миллион кишини багууга жете турган 11600 метрикалык тонна азык - түлүк жардамдарынын даяр экендигин белгиледи.
Израилдин кол салуулары
Израиль болкада астындагы Газада көпчүлүгү аялдар жана балдар болгон 51 000ден ашуун палестиналыкты өлтүрдү. Бул сан андан кийин 62 000 болуп жаңыланды.
Тель Авив аймактын чөң бөлүгүн урандыга айландырды жана дээрлик калктын баарын жер котортту. Газаны блокада астына алды жана тамак - аш, суу, дары - дармек, электр жана башка гуманитардык жардамдардын киришине тоскоол болууну уланта тургандыгын билдирди.
