Тышкы иштер министрлиги Кипр тынчтык операциясынын 52 жылдыгы сыймыктануу менен белгиленип жатканын жана Түркия Түндүк Кипр Түрк Республикасынын (ТКТР) кызыкчылыктарын коргоо жана кипрдик түрктөрдүн ажырагыс укугу болгон эгемендик теңдикти жана эл аралык тең укуктуу статусту таанууну камсыз кылуу үчүн бардык күчү менен иштей берерин билдирди.
Министрлик Кипр тынчтык операциясынын 52 жылдыгына байланыштуу социалдык медиа аккаунтунда билдирүү жасады.
Билдирүүдө: "Кипр түрк элинин эркиндик күрөшүнүн туу чокусу болгон Кипр тынчтык операциясынын 52 жылдыгын сыймыктануу менен белгилеп жатабыз. Туура 52 жыл мурун Түркия 1960-жылдагы Кепилдик келишиминен келип чыккан укуктары жана милдеттенмелеринин алкагында иш алып барып, аралдагы кипрлик түрктөрдүн жашоосун жана коопсуздугун кепилдикке алды"- деди.
Билдирүүдө бүгүн Кипр түрк эли башын бийик көтөрүп, тынчтыкта жана коопсуздукта, Түндүк Кипр Түрк Республикасынын эркин желбиреген желегинин астында жашап жатканы баса белгиленип: "Мекен жана кепил өлкө Түркия кечээкидей эле Түндүк Кипр Түрк Республикасынын кызыкчылыктарын коргоо жана Кипр түрктөрүнүн ажырагыс укугу болгон эгемендүү теңдикти жана тең укуктуу эл аралык статусту таанууну камсыз кылуу үчүн бардык күчү менен иштөөнү улантат. Кипрде тынчтык орнотуп, улуттук дообуз үчүн тартынбастан өз жанын берип шейит болгон мехметчиктерибизди жана мекен кргоочуларыбызды ыраазычылык менен эскеребиз. Ардагерлерибизге ыраазычылык билдиребиз",- деп айтылды.
