Түркиянын Улуттук коргоо министри Яшар Гүлер Катардын вице-премьер-министри жана коргоо министри шейх Сауд бин Абдулрахман бин Хасан бин Али Аль Тани менен телефон аркылуу сүйлөштү.

Шейшемби күнү Түркиянын Улуттук коргоо министрлиги тараткан билдирүүдө: «Сүйлөшүүнүн жүрүшүндө эки тараптуу жана аймактык коргонуу жана коопсуздук маселелери боюнча пикир алмашылды», - деп айтылат.

Телефон аркылуу сүйлөшүү АКШ менен Израилдин Иранга биргелешкен чабуулдарынан кийинки аймактык чыңалуу учурунда болду.

Израиль менен АКШ 28-февралда Иранга биргелешкен чабуулдарды башташты. Бул чабуулдардан азыркыга чейин жогорку лидер Али Хаменеи баштаган 1300гө жакын адам каза болду.

Жооп катары Иран Израилге, Иорданияга, Иракка жана АКШнын аскердик обьекттери бар ар кандай Перс булуңу өлкөлөрүнө каршы учкучсуз учуучу аппараттар жана ракеталык чабуулдар менен жооп кайтарды.

Иран ошондой эле 1-марттын тегерегинде Ормуз кысыгын жапты. Бул стратегиялык жактан маанилүү суу жолу менен адатта күнүнө болжол менен 20 миллион баррель мунай ташылат жана дүйнөлүк суюлтулган жаратылыш газынын соодасынын 20 пайызы өтөт.