Advanced Micro Devices (AMD) жана OpenAI жасалма интеллектке негизделген маалымат борборлорун өнүктүрүү үчүн көп жылдык өнөктөштүк келишимине кол коюшту. Чип өндүрүүчү AMD бул келишим алдыдагы беш жылдын ичинде он миллиарддаган доллар жаңы киреше алып келерин билдирди.
Келишим кабарлары менен бирге AMDнин акцияларынын баасы базар ачылганга чейин 30 пайыздан ашык өстү. Бул келишимдин алкагында компания ChatGBT продуктусу менен популярдуу IT компаниясы болгон OpenAI үчүн жалпы иштетүү кубаттуулугу 6 гигаватт болгон AI инфраструктурасын курат.
Биргелешкен билдирүүдө AMDнын борбору Калифорния болгон OpenAIге бере турган чиптердин көпчүлүгүнүн жасалма интеллект операцияларында көп колдонулган графикалык процессорлордон (GPU) турары белгиленди.
Сентябрь айынын аягында Nvidia менен OpenAI 100 миллиард доллардан ашык жабдууларды жеткирүү боюнча келишимге кол коюшкан. Бул келишим OpenAIнин генеративдик жасалма интеллект мүмкүнчүлүктөрүн кеңейтүүгө багытталган.
Аналитиктердин айтымында, AMD Nvidiaдан тышкары Кытайдын Huawei компаниясы, ошондой эле Amazon жана Google менен атаандашууда.
Дүйшөмбү күнкү келишимдин алкагында, AMD OpenAIге 160 миллион акция алуу укугун берет.
